Конибодом: Парафшон бод ливоят, Тоҷикистон!
Конибодом, 24.11.2015. (АМИТ «Ховар»).- Имрӯз тантанаҳои бошукӯҳи ҷашнӣ бахшида ба Рӯзи Парчами давлатии Ҷумҳурии Тоҷикистон дар шаҳри Конибодом низ ҷараён гирифтанд. Чорабиниҳои асосӣ ва ҷамъомади тантанавӣ бо иштироки сокинони шаҳр дар назди «Майдони қаҳрамонон» доир гардиданд.
Тавре ки ба АМИТ “Ховар” аз дастгоҳи раиси шаҳр иттилоъ доданд, вобаста ба тантанаҳои идона ҷавонону сокинон ва варзишгарони шаҳр дар кӯчаҳои марказии шаҳр дар даст Парчами давлатӣ гузашти идона доштанд.
Чорабинӣ бо садо додани Суруди миллӣ шурӯъ шуда, раиси шаҳр Ғ. Боҳирӣ ба Рӯзи Парчами давлатӣ ҳозиринро шодбош гуфта, Парчами давлатиро нишони давлати мустақилу ободи тоҷикон арзёбӣ намуд. Сипас Паёми табрикии раиси вилояти Суғд Абдураҳмон Қодирӣ бахшида ба Рӯзи Парчами давлатӣ ба самъи ҳозирин расонида шуд.
Ҳамчунин дар ин рӯз савгандёдкунии 20 наваскар доир шуда, даъватшавандагони қисми низомии 04080-и Вазорати мудофиаи Ҷумҳурии Тоҷикистон савганди низомӣ ёд намуданд.
Чорабинии идона бо барномаи рангини консертии хонандагони мактаби санъат ва ҳунарнамоии варзишии варзишгарон анҷом ёфт.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
