Конститутсия шакли ифодаи ҳуқуқии ормонҳои давлатдории миллист

Ноябрь 5, 2015 10:21

Тавилдара, 5.11.2015. (АМИТ «Ховар»).-Бахшида ба ҷашни 21-умин солгарди Рўзи Конститутсияи (Сарқонуни) Ҷумҳурии Тоҷикистон дар   Қасри фарҳанги Мақомоти иҷроияи ҳокимияти давлатии ноҳияи Тавилдара  маҷлиси тантанавӣ  баргузор шуд. Раиси ноҳия Ҳиммати Ғайрат, фаъолони ноҳия, кормандони мақомоти ҳифзи ҳуқуқи ноҳия, донишҷӯён, роҳбарони ташкилоту муассисаҳо ва аҳли ҷамъияти ноҳия иштирок намуданд. Раиси ноҳия зимни табрики аҳли нишаст ва сокинони ноҳия  бо ин рӯзи фархунда зикр кард, ки: «Конститутсияи Ҷумҳурии Тоҷикистон аз ҷумлаи дастовардҳои бузурги мардуми Тоҷикистон буда, заминаи ҳуқуқии бунёди давлати тозабунёд ва соҳибистиқлоли тоҷикон, шакли ифодаи ҳуқуқии ормонҳои давлатдории миллӣ, ҳимояи ҳадафҳо ва манфиатҳои миллӣ, осори таърихӣ ва фарҳанги миллӣ мебошад. Дар Конститутсияи Ҷумҳурии Тоҷикистон соҳибихтиёрӣ, истиқлолият ва тамомияти арзии Тоҷикистон, дахлнопазирии ҳудуди кишвар, моҳият ва вазифаҳои давлат, ҳуқуқ ва озодиҳои шаҳрванд, забони давлатӣ, рамзҳои давлатӣ ва шакли давлатдории Тоҷикистон, ҳадафҳои сиёсати дохилӣ ва хориҷии давлат, асосҳои иқтисодиву сиёсӣ, иҷтимоиву фарҳангии давлат ва ҷомеаи Тоҷикистон эълон шудаанд». 
Ҳунармандони  Қасри фарҳанги ноҳия ба аҳли нишаст барномаи фарҳангӣ пешниҳод намуданд.

 

Ноябрь 5, 2015 10:21

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд