Кормандони гумрук воридоти ғайриқонунии сигорҳоро пешгирӣ карданд
Душанбе, 26.11.2015. (АМИТ «Ховар»).-Дар толори назорати гумрукии воситаҳои нақлиёти гумрукии «Панҷи Поён»-и Раёсати минтақавии гумрукӣ дар вилояти Хатлон мошини тамғаи «Дулон», рақами қайди давлатиаш ТҶ 37-40 АН01, ронандааш Абдуҷаббор Саъдуллоев бо гумони дар дохили мошин доштани маводи тамокугӣ мавриди боздошт қарор гирифт.
Тавре ки аз Хадамоти гумруки назди Ҳукумати Ҷумҳурии Тоҷикистон хабар доданд, ҳангоми азназаргузаронӣ аз махфигоҳи кабина ва сандуқи зери бордони воситаи нақлиёти мазкур ба миқдори 500 баста, ҳамзамон аз зери халтаҳои биринҷ дар бордони мошин 600 бастаи дигар сигори тамғаи «ЕССЕ»-и истеҳсоли давлати Корея дарёфт ва мусодира шуданд.
Миқдори умумии маҳсулоти тамокугии дарёфтгардида 22 қуттӣ, 11 ҳазор қуттича ва 220 ҳазор донаро ташкил дода, Абдуҷаббор Саъдуллоев мехост маводи мазкурро бидуни назорати гумрукӣ ба Ҷумҳурии Тоҷикистон ворид намояд.
Нисбат ба ҳодисаи мазкур бо дастрасии моддаи 577 Кодекси ҳуқуқвайронкунии маъмурии Ҷумҳурии Тоҷикистон парвандаи ҳуқуқвайронкунии маъмурӣ оғоз гардида, барои баррасӣ ба Суди ноҳияи Қумсангир ирсол шуд.
Муовини Сарвазири Тоҷикистон дар ноҳияи Ёвон бо ҷараёни корҳои бартарафсозии оқибатҳои офати табиӣ шинос шуд
Ҷаласаи ташкилоти ибтидоии «Оморчиён»-и Ҳизби Халқии Демократии Тоҷикистон баргузор гардид
Сафири Тоҷикистон бо Раиси Суди иқтисодии ИДМ мулоқот намуд
Имрӯз дар баъзе ноҳияҳои Тоҷикистон боридани боронҳои сел пешгӯӣ мешавад
Имсол кирмакпарварони ноҳияи Хуросон беш аз 10 ҳазор килограмм пилла месупоранд
Дар Тоҷикистон Мусобиқаи ҷумҳуриявии «МегаФон Life бо сабки футбол» оғоз ёфт
Имрӯз дар баъзе ноҳияҳои Тоҷикистон борони кӯтоҳмуддат меборад
Дар озмуни вилоятии «Барномасози ҷавон» 34 довталаб аз муассисаҳои таълимии Бадахшон иштирок намуд
Дар ноҳияи Ёвон Дави миллӣ ва марафони велосипедронӣ баргузор шуд
Бахшида ба 70-солагии таъсиси шаҳри Бӯстон Озмуни шаҳрии «Китобхонаи беҳтарин» баргузор гардид
Кирмакпарварони ноҳияи Панҷ беш аз 78 фоизи нақшаи пилласупориро иҷро намуданд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Даври якуми озмуни ҷумҳуриявӣ дар муассисаҳои таҳсилоти миёна ва олии касбӣ оғоз гардид
