Ливоят парфишон бодо ҳамеша дар фазои сулҳу ваҳдат!

Душанбе, 24.11.2015. (АМИТ «Ховар»).- Бахшида  ба таҷлили Рўзи Парчами давлатии Ҷумҳурии Тоҷикистон ва бо мақсади сазовор ва дар сатҳи баланди сиёсӣ ва ташкилӣ ҷашн гирифтани он, имрўз, 24 ноябр  дар Вазорати меҳнат, муҳоҷират ва шуғли аҳолии Ҷумҳурии Тоҷикистон бо иштироки кормандони вазорат, Агентии меҳнат ва шуғли аҳолӣ маҷлиси тантанавӣ баргузор гардид.
Муовини якуми вазир Эмин Сангинзода изҳор кард, ки Парчами давлатии Ҷумҳурии Тоҷикистон ифодагари иқболу истиқлол, иттиҳоду сарҷамъӣ, нангу номус, ватандўстиву ватанпарастӣ ва ҳувияти миллии мардуми куҳанбунёду фарҳангии мо буда, волотарин мақсаду мароми тоҷиконро дар ҷилои рангҳои худ инъикос намудааст. 
Эҳтиром  гузоштан ба муқаддасоти  миллӣ,  аз ҷумла, Парчам, Нишон ва Суруди миллӣ ифтихори ҳар як шаҳрванди Ҷумҳурии Тоҷикистон мебошад.