МБГ-и Душанбе-2 ба кор оғоз кард
Душанбе, 11.11.2015. (АМИТ «Ховар»).- Аз 10 ноябри соли 2015 Маркази барқу гармидиҳии Душанбе -2 ба кор оғоз кард. Дар ҳафтаҳои нахустини фаъолият ин марказ рўзе то 80 МВТ неруи барқ ва то 60 Гкал гармӣ истеҳсол менамояд. Маҳсулнокии он рўз то рўз афзоиш меёбад. Барои дар фасли зимистон фаъолият намудани ин иншоот 252 ҳазор тонна ангишт захира шудааст, ки ҳамаи ин миқдор аз конҳои ватанӣ кашонда шудааст.
Ба кор оғоз намудани МБГ-2 таъминоти пойтахтро, ки дар зимистон талаботи он ба барқ бамаротиб меафзояд, беҳтар намуда, инчунин зиёда аз 242 иншоот ва хонаҳои истиқоматиро бо гармӣ таъмин хоҳад намуд.
Ёдовар мешавем, ки ин иншоот дар доираи ҳамкории Ҳукумати Ҷумҳурии Тоҷикистон бо Ҷумҳурии Мардумии Чин ба хотири ноил шудан ба истиқлолияти энергетикӣ, таъминоти беҳтару бештари аҳолӣ ва корхонаҳои саноати шаҳри Душанбе бо неруи барқ ва гармӣ сохта мешавад.
Бино ба иттилои сардори Маркази матбуоти ШСХК «Барқи Тоҷик» Нозир Ёдгорӣ, 10 январи соли 2014 бо иштироки Президенти Ҷумҳурии Тоҷикистон Эмомалӣ Раҳмон агрегати якуми навбати аввали Маркази барқу гармидиҳии Душанбе-2 бо иқтидори 50 мегаватт.соат неруи барқ ба истифода дода шуд. Агрегати дуюми навбати аввал, ки бо фаъол гардидани он иқтидори марказ ба 100 мегаватт.соат неруи барқ мерасад, охири соли 2014 пурра ба кор дароварда шуд. Ҳоло сохтмони навбати дуюми МБГ-2 идома дорад. Дар сохтмони навбати дуюм корҳои асосгузорӣ ба анҷом расида, санҷиш ва интиқоли таҷҳизоти калонҳаҷм оғоз ёфтаанд. Ширкати чинии ТВЕА тасмим гирифтааст, ки сохтмонро пеш аз муҳлат ба анҷом расонад. Баъди пурра ба истифода додани иншоот иқтидори он ба 400 МВт неруи барқ ва 235 Гкал гармӣ мерасад.
Бо вуҷуди бо ангишт кор кардани маркази нави барқу гармидиҳӣ вобаста ба он, ки дар он технологияи навтарин насб шудаанд ва тамоми талаботи меъёрҳои байналмилалӣ риоя шуда, марказ дорои се марҳилаи низоми ҳавотозакунист, ҳангоми кор кардани Маркази барқу гармӣ муҳити экологӣ зарар намебинад.
Дар дигар иншооти барқу гармии пойтахт низ имрўзҳо охирин корҳои тайёрӣ анҷом меёбанд ва онҳо ҳафтаҳои наздик ба кор сар хоҳанд кард.
Муовини Сарвазири Тоҷикистон дар ноҳияи Ёвон бо ҷараёни корҳои бартарафсозии оқибатҳои офати табиӣ шинос шуд
Ҷаласаи ташкилоти ибтидоии «Оморчиён»-и Ҳизби Халқии Демократии Тоҷикистон баргузор гардид
Сафири Тоҷикистон бо Раиси Суди иқтисодии ИДМ мулоқот намуд
Имрӯз дар баъзе ноҳияҳои Тоҷикистон боридани боронҳои сел пешгӯӣ мешавад
Имсол кирмакпарварони ноҳияи Хуросон беш аз 10 ҳазор килограмм пилла месупоранд
Дар Тоҷикистон Мусобиқаи ҷумҳуриявии «МегаФон Life бо сабки футбол» оғоз ёфт
Имрӯз дар баъзе ноҳияҳои Тоҷикистон борони кӯтоҳмуддат меборад
Дар озмуни вилоятии «Барномасози ҷавон» 34 довталаб аз муассисаҳои таълимии Бадахшон иштирок намуд
Дар ноҳияи Ёвон Дави миллӣ ва марафони велосипедронӣ баргузор шуд
Бахшида ба 70-солагии таъсиси шаҳри Бӯстон Озмуни шаҳрии «Китобхонаи беҳтарин» баргузор гардид
Кирмакпарварони ноҳияи Панҷ беш аз 78 фоизи нақшаи пилласупориро иҷро намуданд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Даври якуми озмуни ҷумҳуриявӣ дар муассисаҳои таҳсилоти миёна ва олии касбӣ оғоз гардид
