Муомилоти ғайриқонунии сангҳои қиматбаҳои лаълу ёқути сурх

Душанбе, 07.11.2015. (АМИТ «Ховар»). — 5-уми ноябр, ҳангоми гузаронидани чорабиниҳои фаврӣ-ҷустуҷӯӣ кормандони милитсия  сокини 42-солаи шаҳри Душанберо бо гумони даст доштан дар муомилоти ғайриқонунии металлҳои қиматбаҳо дастгир карданд. Дар вақти кофтукови шахсӣ аз ӯ 46 дона санги қимматбаҳои сурхчатоб дарёфт ва мусодира шуд. Мувофиқи ташхиси иёргарӣ 35 санги мусодирашуда бо вазни 50,77-грамм ба навъи сангҳои лаъл, 2 санги оддии суфташудаи сурхчатоб бо вазни 3,87 грамм ва 9 санги дигар бо вазни умумии 31,03 грамм ба навъи ёқути сурх мансуб мебошанд.
Нисбат ба далели мазкур парвандаи ҷиноятӣ оғоз шуда, тафтиш идома дорад.