Низомиёни Афғонистон дар 9 вилояти кишвар амалиёти поккориро роҳандозӣ намуданд
Душанбе, 05.11.15. (АМИТ «Ховар»). — Шабонарӯзҳои гузашта дар минтақаҳои мухталифи Афғонистон амалиётҳои поккорӣ рӯи кор оварда, бар асари онҳо, мувофиқи ҳисоботи Вазорати корҳои дохилии ҶИА, 47 нафар силоҳбадастон кушта шуданд.
Дар хабарҳои ба қарибӣ дарҷнамудаи мақомоти ҳифзи ҳуқуқ ва мудофиаи Афғонистон гуфта мешавад, ки амалиётҳои ҳарбӣ дар ҳудуди вилоятҳои Нангарҳор, Тахор, Қундуз, Бадахшон, Қандаҳор, Урузгон, Пактика, Пактиё ва Ҳилманд сурат гирифтанд.
Дар ҷараёни амалиётҳои ҳарбӣ мақомоти ҳифзи ҳуқуқ аз қувваҳои шӯришгар як миқдор аслиҳа, ҳамчунин лавозимоти ҷангиро мусодира намуданд. Ғайр аз ин, посдорони тартибот қариб 10 асбоби мухталифи таркандаро пайдо ва безарар гардониданд.
Қувваҳои артиши миллии Афғонистон ҳангоми амалиёти ҳарбӣ талафот доданд. Аз ҷумла, бар асари таркиши минаҳо ва оташфишонии ҳариф 5 нафар хидматчиёни ҳарбӣ ҳалок шуданд.
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Имрӯз дар баъзе минтақаҳои Тоҷикистон борон меборад
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
