Нуробод: масрафи беҳударо пешгирӣ мебояд

Нуробод, 11.11.2015. (АМИТ «Ховар»).- Мақомоти иҷроияи ҳокимияти давлатии  ноҳияи  Тавилдара  баҳри дар амал татбиқ намудани  Қонуни Ҷумҳурии Тоҷикистон  » Дар бораи танзими анъана ва ҷашну маросим »  тадбирҳои зарурӣ меандешад. Дар  ҳудуди ноҳия дар нуҳ моҳи соли ҷорӣ  306 ҷашну маросим, аз ҷумла 178 туйи  домодию арусӣ,  37 маросими чил, 47 оши сол ва 44 хатнасур,  аз ҷумла 25 хатнасури хайриявӣ бо ташаббуси соҳибкорони ноҳия гузаронида шуд.  Дар  306 ҷашну маросими гузаронидашуда  як миллиону 509 ҳазору 250 сомонӣ сарф гардидааст, ки ба ҳисоби миёна ба  ҳар як маърака 3181 сомонӣ рост меояд.
Бо мақсади иҷрои  Амри Президенти Ҷумҳурии Тоҷикистон  оид ба хайру кумак кардан ба аҳолӣ, расонидани кӯмак  ба эҳтиёҷмандон  бо ҷалби ташкилоту муассисаҳо  ва шахсони алоҳида  дар арафаи идҳои миллӣ Мақомоти иҷроияи ҳокимияти давлатии  ноҳия  гурӯҳҳои  кории таблиғотӣ ташкил карда,  бо аҳолии деҳаҳо,  дар масҷидҳо ва ҷойҳои ҷамъиятӣ  вохӯриву суҳбатҳо  доир намуданд, ки дар натиҷа  ба маблағи 71 ҳазору 465 сомонӣ  ба ятимон,  бепарасторон, оилаҳои камбизоат, мактаб-интернатҳо ва  оилаҳое, ки зиёда аз ду маъюб доранд, кумак расонида шуд.