Оё сокинони пойтахт мафҳуми рангҳои Парчами миллиро медонанд?
Душанбе, 18. 11. 2015. (АМИТ «Ховар»).-Парчам дар ҳаёти ҳар як давлату миллат мавқеъ ва нақши хоси худро дорад. Парчами давлатӣ ифодагари мақсаду маром ва орзую ормонҳои ҳар як миллату давлат аст. Ливои миллат қувваи сафарбаркунанда ва муттаҳидкунанда дошта, мардуми сарзаминро ба хотири амалӣ намудани мақсаду мароми некбинона даъват мекунад.
Ҳамчун рамзи давлати соҳибистиқлол парчами миллии мо имрӯз дорои се ранг: сурх — рамзи муборизаву ҷоннисории халқ барои озодӣ ва истиқлол, ранги сафед — нишони бахту саодат, умеду орзу ва ранги сабз — нишонаи сарсабзиву шукуфоӣ, сарбаландӣ, хуррамӣ ва абадият мебошад. Тавре ки мегӯянд, сокини пойтахт будан ифтихор аст ва дар робита ба ин ифтихор дар арафаи таҷлили Рӯзи парчам аз сокинони пойтахт дар мавриди донистани мафҳуми рангҳои парчам назарпурсӣ гузаронидем, ки онро пешкаши хонандагон менамоем:
Ширин Наврузова, донишҷӯи соли чоруми ДМТ: Ранги сурх ҷоннисории халқ барои халқу ватан, ранги сафед бахту иқболи сафед, ранги сабз сарсабзиву хуррамии мардумро нишон медиҳад.
Ҷалолиддин, сокини пойтахт:
Ранги сафед ин озодӣ, сабз- тараққиёт, ранги сурх -ин бо роҳи мубориза ба даст овардани истиқлолият аст.
Сайфиддин Сангинов, аз Саридораи геология:
Ранги сурх- мубориза ва талоши зиёд баҳри истиқлолият, сафед-роҳи сафед, сабз -сарсабз будани Тоҷикистон мебошад.
Шаҳзод Ҷураев, донишҷӯи соли дуюми Донишгоҳи давлатии миллӣ:
Сурх -рамзи истиқлолият, сафед-покизагӣ, шири модар, сабз -сарсабзии кишвар.
Муллоҷонова Муниса, донишҷӯи соли чоруми Донишгоҳи давлатии (славянии) Русияву Тоҷикистон:
Ҷоннисории халқ барои сулҳ ва истиқлолият, ранги сафед- роҳи сафеду шири сафед, сабз -сарсабзу хуррамии Тоҷикистон.
Бояд гуфт, ки бештари сокинони пойтахт аз ҷавоб додан ба ин суол худдорӣ намуданд, ки ин нишони надонистани мафҳуми рангҳои парчам мебошад.
Эҳтиром ва арҷ гузоштан ба парчам маънои арҷ гузоштан ба тамоми арзишҳои миллат аз оғози таърих то ба имрӯзро дорад. Эҳтироми ливо -арҷгузорӣ ба фарҳанги миллӣ, ба ниёгони тамаддунсозамон, эҳтиром ба миллат ва давлату давлатдорист. Аз ин хотир, эҳтироми парчами миллӣ бояд дар миёни мардум ҳамчун муқаддасоти волои миллӣ пазируфта шавад.
«ЗАБОН-ОИНАИ ФАРҲАНГИ МИЛЛАТ». Дар Пажуҳишгоҳи илмӣ-тадқиқотии фарҳанг ва иттилоот Рӯзи забони давлатӣ таҷлил гардид
Дар филиали Донишкадаи ҷумҳуриявии такмили ихтисос ва бозомӯзии кормандони соҳаи маорифи Бадахшон ҳамоиши илмӣ баргузор шуд
Намояндаи Тоҷикистон дар ҳамоиши минтақавии муаррифии гузориши Индекси Глобалии Инноватсия дар Остона иштирок намуд
Тоҷикистон ва Иттиҳоди Аврупо ҳамкориро дар соҳаи ҳамлу нақли байналмилалӣ тақвият медиҳанд
ЗАБОНИ ТОҶИКӢ — ГАҲВОРАИ ҲУВИЯТИ МИЛЛӢ. Андешаҳо бахшида ба Рӯзи забони давлатӣ
Ҳайати Тоҷикистон дар ҷаласаи Шурои роҳбарони мақомоти омори мамлакатҳои аъзои Иттиҳоди Давлатҳои Мустақилро иштирок намуд
Олимҷон Муҳаммадҷонзода: «Забони тоҷикӣ яке аз забонҳои қавӣ ва соҳибхати дунё буда, ҳанӯз дар асри Х мақоми давлатӣ гирифтааст»
Бахшида ба Рӯзи забони давлатӣ дар Агентии омор ҷаласаи тантанавӣ баргузор шуд
Имрӯз дар шаҳри Душанбе ҳаво то 27 дараҷа гарм мешавад
«ЗАБОНИ МИЛЛАТ-ҲАСТИИ МИЛЛАТ». Дар «Саноатсодиротбонк» бахшида ба Рӯзи забони давлатӣ ҳамоиш доир гардид
Дар Агентии авиатсияи гражданӣ бахшида ба Рӯзи забони давлатӣ чорабинии тантанавӣ баргузор гардид
Баъд аз се соли таваққуф ҳавопаймои АН-28-и «Тоҷик Эйр» ба Хоруғ парвоз намуд
