Парчами баланд ифтихор ва ғурури баландро тақозо дорад

Душанбе, 24.11.2015. (АМИТ «Ховар»).-«Иди парчам барои миллати тоҷик ва қавми ориёӣ иди хосса аст, зеро агар ба саҳифаҳои таърих нигарем, аввалин парчамдорони дунё аҷдодони мо мебошанд, ки дар таърих бо унвони Дирафши Ковиёнӣ шуҳратёранд»,- гуфт Ҳунарпешаи мардумии Тоҷикистон Ортиқи Қодир вобаста ба ҷашни Парчами давлатӣ.
Ҳамчунин Ортиқи Қодир илова намуд, ки вақеан ҳам Парчами Тоҷикистон дар ҷаҳон яке аз парчамҳои баландтарин аст ва ин аз миллати мо тақозо менамояд, ки  мардуми тоҷик дар баробари доштани  парчами баланд  бояд дорои фарҳангу маърифат, ифтихор ва номусу ғурури ватандории баланд бошад.