Пешниҳоди 1600 ҷои кор дар Нуробод

Нуробод, 12.11.2015. (АМИТ «Ховар»).-  Масъулини шуъбаи Агентии меҳнат ва шуғли аҳолии ноҳияи Нуробод соли равон дар доираи ичрои  «Барномаи мусоидат ба шуғли аҳолӣ» 1600 ҷои кори доимӣ, муваққатӣ ва мавсимӣ  таъсис дода, нақшаи солонаро 100 фоиз иҷро намуд.
Барои дастгирии соҳибкорӣ ва расонидани кумаки молиявӣ бо мақсади таъсиси ҷойҳои нави корӣ ба шаҳрвандони бекоре, ки  хоҳиши ба соҳибкорӣ машғул шуданро доранд, аз ҳисоби маблағҳои  дар гардишбудаи  шуъбаи агентии ноҳия ба 43 нафар қарзи имтиёзнок дода шудааст, ки ин 65 фоизи нақшаи солонаро ташкил медиҳад.