«Пирони кӯҳистони Хатлон»-маводи таърихӣ оид ба уламо ва авлиёи Хатлонзамин

Душанбе, 16.11.2015. (АМИТ «Ховар).- Ба наздикӣ бо дастгирии Вазорати фарҳанг китоби Раҷаб Асозода ва Ҳотам Асозода таҳти унвони «Пирони кӯҳистони Хатлон» (бахшида ба 700 — умин солгарди зодрӯзи Мир Сайид Алии Ҳамадонӣ)  аз чоп баромад. 
Муаллифони китоби «Пирони кӯҳистони Хатлон» (бахшида ба 680 — солагии зодрӯзи Мир Сайд Алии Ҳамадонӣ)  —  ро бори аввал  соли 2006 чоп  намуда  буданд.
Дар  нашри аввал онҳо маводи  таърихиро оид ба  уламо ва авлиёи Хатлонзамин, аз зумраи Хоҷа Исҳоқи  Хатлонӣ, Мир Сайид Ҷалолиддини Гулдаста, Бибӣ Савро ва Бибӣ Навро, Шайх Шамсиддини Хатлонӣ   гирдоварӣ  кардаанд.
Дар нашри дуюм зиндагиномаи беш аз сӣ олиму адиб, соликону орифони забардасти Хатлонзамин, ба мисли Мавлоно Тоҷиддин, Хоҷаи Нур, Шайх Шақиқи Балхӣ, Султон Увайси Қаранӣ,  Имом Ҷаъфари Содиқ, Имом Ҳасани Аскарӣ, Мир Сайид Алии Ҳамадонӣ ва Хоҷа Исҳоқи  Валӣ маълумоти пурарзиш инъикос ёфтааст.
Китоб барои донишҷӯёни макотиби олӣ, устодони макотиби  таҳсилоти миёнаи умумӣ ва донишкадаю донишгоҳҳои кишвар пешбинӣ шудааст.