Раддияи Вазорати корҳои дохилӣ ба ҳафтаномаи «Азия-плюс»

Душанбе, 14.11.2015. (АМИТ «Ховар»). -Вазорати корҳои дохилӣ мақолаи дар ҳафтаномаи «Азия-плюс», №85 (1068) аз 29.10.с.2015 таҳти сарлавҳаи «Қисса дар бораи сарбоз» (Баллада о Солдате) дарҷгардидаро мавриди баррасӣ қарор дода, иттилоъ медиҳад, ки он асоси воқеӣ надорад. 
Либосҳо, телефон ва дигар ашёи мутааллиқ ба марҳум Дмитрий Буриев аз сабабе, ки ба ҳалокат расидааст, тибқи тартиби муқарраргардида  барои муоина ва пешбурди парвандаи ҷиноятӣ аз ҷониби Прокуратураи ҳарбӣ дар пакети махсус гирифта мешавад.
Оид ба бурдану гӯрондани ҷасади марҳум Дмитрий Буриев тӯли се рӯзе, ки дар сардхона меистод, ягон нафар муроҷиат накардааст. Тамоми хароҷоти маросими гӯронидани Дмитрий Буриевро Вазорати корҳои дохилӣ ба зимма гирифт ва марҳум бо иштироки роҳбарияти вазорат, ҳайати шахсии мақомот ва дигар дӯстону рафиқонаш пас аз маросими видоъ ва арҷгузорӣ дафн шуд. 
Бояд зикр кард, ки Дмитрий Буриев аз моҳи апрели соли ҷорӣ то замони марг дар утоқи кориаш, дар қароргоҳи ДТММ зиндагӣ мекард ва бо ҳамсараш Рано Ахмедова зиндагии якҷоя надоштанд. Либосҳо ва дигар ашёи лозимии Буриев Д. дар утоқи кориаш нигоҳ дошта мешуданд.