Рамзан Қодиров ба муборизаи якҷоя бар зидди террористон даъват кард
Душанбе, 14.11.2015 (АМИТ «Ховар»).-Президенти Ҷумҳурии Чеченистон Рамзан Қодиров вобаста ба амалҳои мудҳиши террористие, ки дар Париж ба амал омаданд, аз ҳамаи пешвоёни кишварҳои арабӣ ва мусулмонӣ даъват кард, ки бар зидди созмони террористии ба ном «Давлати исломӣ» муборизаи якҷоя баранд. «Ҳеҷ кас шубҳа надорад, ки пушти амалҳои террористии дар Париж содиршуда созмони ба ном «Давлати исломӣ» меистад. Ин манбаи шарро аз беху бунаш бояд решакан кард. Вагарна тӯдаи террористон мисли селаи офат ба ҳама кишварҳову шаҳрҳо паҳн мешаванд. Президенти Русия Владимир Путин бо мақсади пешгирӣ кардани хатари марговари ДИИШ болои сари инсоният, ба таври қатъӣ мубориза бар зидди ДИИШ-ро оғоз кард», — чунин навиштааст дар саҳифаи Instagram Рамзан Қодиров.
Бояд гуфт, ки президенти Чеченистон Рамзан Қодиров аз рӯзҳои нахустини зарбаҳои неруҳои ҳарбӣ-ҳавоии Русия ба пойгоҳҳои ҳарбии ДИИШ ин иқдомро дастгирӣ карда, созмони ба ном «Давлати исломӣ»-ро «Давлати шайтонӣ» ном ниҳод ва изҳор кард, ки омодааст шахсан худаш дар амалиёти ҷангӣ ба муқобили ҷинояткорони ДИИШ иштирок кунад.
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
Имрӯз дар шаҳри Душанбе ҳаво то 40 дараҷа гарм мешавад
Имрӯз дар филиалҳои Донишгоҳи давлатии Москва, Донишгоҳи миллии таҳқиқотии технологӣ «МИСИС» ва Мақомоти иҷроияи ҳокимияти давлатии шаҳри Ҳисор нишасти матбуотӣ доир мегардад
НИШАСТИ МАТБУОТӢ. Аз ноҳияи Тоҷикобод 20 ҳазору 600 тонна маҳсулоти кишоварзӣ содирот гардид
НИШАСТИ МАТБУОТӢ. Дар Донишкадаи тиббии иҷтимоии Тоҷикистон Маркази таҳсилоти баъдидипломӣ таъсис дода шуд
НИШАСТИ МАТБУОТӢ. Дар ноҳияи Рӯдакӣ дар шаш моҳ ба маблағи беш аз 487 миллион сомонӣ маҳсулоти саноатӣ истеҳсол карда шуд
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Дар Тоҷикистон ҷамъоварии ҳосили гандум идома дорад
Дар Тоҷикистон Фестивали якуми байналмилалии санъати сиркӣ баргузор мегардад
