Роғун: хизматрасонии бонкҳо коҳиш ёфтааст

Роғун, 12.11.2015. (АМИТ «Ховар»).-Яке аз омилҳои асосии таҳлили соҳаҳои воқеии  иқтисодиёт  таъмини сиёсати ягонаи  фаъолияти бонкӣ мебошад. Аз тарафи бахшҳои бонкҳои шаҳри Роғун дар нўҳ моҳи соли ҷорӣ дар маҷмӯъ 77 млн. 283 ҳазор сомонӣ хизматрасониҳои пулӣ иҷро шудаанд, ки нисбат ба ҳамин давраи соли гузашта  15 млн. 822,2 ҳазор сомонӣ кам мебошад. Ин нишондод ба Бонки давлатии амонатгузории «Амонатбонк» 40 млн. 544,4 ҳазор сомонӣ, филиали ҶСК «Ориёнбонк» 35 млн. 850,   ҳазор сомонӣ, филиали ҶСК «Агроинвестбонк»  888,6 ҳазор сомонӣ рост меояд.
Дар давраи ҳисоботӣ тавассути бонкҳои мазкур 39 млн. 511,6 ҳазор сомонӣ аз ҳисоби муҳоҷирати меҳнатӣ ба шаҳрвандони шаҳри Роғун интиқол гардидааст, ки нисбат ба ҳамин давраи соли гузашта 17 млн. 055,3 ҳазор сомонӣ кам мебошад.
Дар соли ҷорӣ  аз тарафи бонкҳои мазкур ҷиҳати дастгирии соҳаҳои гуногуни иқтисодӣ ба муштариён ба маблағи 2 млн. 937,1 ҳазор сомонӣ қарзҳо дода шудаанд, ки нисбат ба ҳамин давраи соли гузашта 1 млн. 049 ҳазор сомонӣ кам аст.