Рушди маорифи тоҷик дар даврони истиқлолият
Душанбе, 24. 11. 2015. (АМИТ «Ховар»).-«Рушди маорифи тоҷик дар даврони истиқлолият»-таҳти чунин унвон 23 ноябр дар Китобхонаи миллӣ бо ибтикори Ташкилоти ҷамъияти байналмилалии фонди “Диалоги Авруосиё” ва иштироки масъулини Вазорати маориф ва илм, ректорону директорон, профессорону омўзгорон ва муҳаққиқону донишмандони муассисаҳои таҳсилоти миёна ва олии касбӣ ва намояндагони конфронси ҷумҳуриявии илмӣ баргузор гардид. Дар конфронс инчунин китоби “Маориф-гарави пешравии ҷомеа” (дар партави асарҳои А.Дониш, С.Айнӣ, Б.Ғафуров ва М.Турсунзода) муаррифӣ гардид.
Муовини аввали вазири маориф ва илм Раҳматулло Мирбобоев вобаста ба дастовардҳои соҳаи маориф дар даврони истиқлолият ба иштирокдорон маълумоти муфассал дода, зикр кард, ки маҳз бо шарофати Истиқлолияти давлатӣ соҳаи маориф ва илми Тоҷикистон бо суръати тамом рў ба пешрафту тараққӣ ниҳода, ба пешрафту комёбиҳои зиёде ноил гардид.
Дар идомаи ҳамоиш муаррифии китоби “Маориф-гарави пешравии ҷомеа” (дар партави асарҳои А.Дониш, С.Айнӣ, Б.Ғафуров ва М.Турсунзода) сурат гирифт. Зимни нишаст донишмандони тоҷик Шарифмурод Исрофилниё, Олимҷон Хоҷамуродов, Сайфулло Муллоҷонов, Аъламхон Кўчаров ва Нодир Одилов вобаста ба мазмуну муҳтаво ва ҳусну қубҳи китоби тозанашр изҳори назар намуданд.
16 июл дар якчанд кумитаю идора нишасти матбуотӣ баргузор мегардад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Ба истироҳатгоҳи «Ҳамсафар» зиёда аз 300 кӯдак ҷалб мешавад
