Русия низоми бераводид бо Туркияро бозмедорад
Душанбе, 28.11.2015 (АМИТ «Ховар»).- Вазири корҳои хориҷии Русия Сергей Лавров изҳор дошт, ки Русия низоми рафтуомади бидуни раводид бо Туркияро аз 1 январи соли 2016 бозмедорад. Дар ин бора «РИА Новости» иттилоъ додааст.
«Мехоҳам бигӯям, ки Русия аз афзоиши хатарҳои террористӣ дар Туркия хеле ва хеле нигарон аст. Ин аслан марбут ба амнияти ФР ва шаҳрвандони мост. Тавассути Туркия интиқоли ҷангиён ба самтҳои мухталиф ба роҳ монда шудааст», — тазаккур дод С. Лавров ба ТАСС.
Ба гуфтаи вазири корҳои хориҷии ФР, Маскав дар як сол 17 маротиба аз Анқара маълумот дар бораи шаҳрвандони Русияро, ки бо гумони иштирок дар фаъолияти террористӣ боздошт шудаанд, дархост намуд, вале ин дархостҳо беҷавоб монданд.
«Ростуризм» ба ширкатҳои туристӣ тавсия дод, ки фурӯши роҳхатҳои сайёҳӣ ба ин кишварро қатъ кунанд.
Сардори Федератсияи меҳмонхонаҳои Туркия Усмон Айик дар навбати худ ба рӯзномаи «Hurriyet» гуфт: «Мо наметавонем бозори Русияро, ки дар бахши туристии Туркия ҷойи дуюмро ишғол мекунад, аз даст диҳем. Мо соли равон беш аз 800 ҳазор сайёҳони русро бо сабаби мушкилоти иқтисодӣ дар Русия аз даст додем ва меҳмонхонаҳоро зарур омад, ки барои ҷалби муштариён нархҳоро ба таври назаррас паст кунанд. Вале ин ҳам кумак накард».
Бояд тазаккур дод, ки дар давоми 10 моҳи соли равон шумораи сайёҳони хориҷӣ, ки ба Туркия сафар кардаанд, аз ҳама бештар аз Олмон (15,56%), пасон аз Русия (10,70%) ва аз Британияи Кабир (7,33%) мебошанд. Шумораи сайёҳон дар Туркия нисбат ба ҳамин давраи соли гузашта 4,02% кам шудааст.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






