Садоҳои маҳкумсозӣ аз Эрону Афғонистон

Ноябрь 14, 2015 07:02

Душанбе, 14.11.2015. (АМИТ «Ховар»). — Ҳасан Руҳонӣ раиси ҷумҳурии Эрон ҳамалоти шаби гузашта дар Парижро ба шиддат маҳкум карда, ба миллат ва давлати Фаронса ибрози ҳамдардӣ кардааст. Оқои Руҳонӣ дар паёми худ ба раиси ҷумҳури Фаронса Франсуа Олланд гуфтааст: «Ин ҷинояти зиддибашариро шадидан маҳкум  ва ба миллати сӯгвор ва давлати Фаронса тасаллият мегӯям». 
Муҳаммад Ҷавод Зариф вазири умури хориҷаи Эрон ҳам ҳамалоти шаби гузаштаи Парижро маҳкум карда, гуфтааст, ки Ҷумҳурии Исломии Эрон худ ба унвони қурбонии терроризм ин мавзӯъро ба шиддат маҳкум мекунад. Ӯ гуфтааст: «Дар ин сооти сахт Эрон худро дар канори хонаводаҳои қурбониёни ин ҳаводиси террористӣ медонад».
Ҳусайн Ҷобир Ансорӣ сухангӯи вазорати умури хориҷаи Эрон дар баёнияи худ гуфтааст: «Омилони ин ҷиноят аз руҳи ислом ва тамоми адёни осмонӣ ва усули ахлоқӣ бегона ҳастанд» ва таъкид кардааст, ки Эрон ба сиёсати худ дар мубориза бо терроризм ва ифротгароӣ идома хоҳад дод ва омодаи ҳамкорӣ бо соири кишварҳои ҷаҳон аст.
Абдулло Абдулло  раиси иҷроияи давлати ваҳдати миллии Афғонистон дар саҳифаи Твиттери худ бо маҳкум кардани ҳамлаи дишабаи Фаронса ба хонаводаҳо ва дӯстони қурбониён ибрози ҳамдардӣ карда, гуфтааст, ки барои беҳбуди оҷили захмишудагони ин ҳодиса дуо мекунад. Абдулло ҳамла ба мардумро таваҳҳуш ва барбарият хонда, гуфтааст, ки ин ҳамла нишон дод, ки терроризм мазҳаб, эътиқод ва қавмиятро намешиносад. Ниёз аст, ки иқдоми ҷаҳонӣ барои маҳви он анҷом шавад.
Ӯ гуфтааст, ки терроризм, бунёдгароӣ ва ифротгароӣ чолиш ва таҳдиди муштарак ҳастанд ва ниёз аст, ки ҳама алайҳи онон мубориза кунанд.

Ноябрь 14, 2015 07:02

Хабарҳои дигари ин бахш

Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд