Шаҳрдорӣ аз танбашавии воситаҳои нақлиёт ҷилавгирӣ менамояд

Душанбе, 17.11.2015.(АМИТ “Ховар”).- Минбаъд ҳамарӯза нақлиёти мусофиркашонии ҷамъиятии коммуналӣ ва хусусӣ дар пойтахт то соати  5-50 дақиқа дар хатсайрҳо ба фаъолият оғоз намуда, он аз ҷониби комиссияҳои ҷамъиятии созмондодаи  шаҳрдорӣ ва дигар институтҳои шаҳрвандӣ назорат мешавад. Масъалаи мазкур дар ҷаласаи шаҳрдорӣ бо ҳузури Маҳмадсаид Убайдуллоев -раиси шаҳри Душанбе баррасӣ шуд. Дар ҷаласа вазъи хизматрасонии нақлиёти мусофиркашонии ҷамъиятӣ, ҷилавгирӣ аз танбашавии воситаҳои нақлиёт дар хатсайрҳои пойтахт  матраҳ гардид. Бояд тазаккур дод, ки дар асоси пешниҳоди шаҳрдорӣ  барои  субҳгоҳон пешгирӣ намудани тамбашавии нақлиёт дар хатсайрҳо аз ҷониби Вазорати маориф ва илми ҷумҳурӣ соати дарсӣ дар макотиби олии кишвар шурӯъ аз 16 ноябр аз соати 7:30 дақиқа оғоз мегардад.  
Инчунин дар ҷаласа таъкид гардид, ки фаъолияти  бонизоми хатсайрҳои нақлиётии аз кӯчаи Ҳофизи Шерозӣ убуркунанда, ки ба кормандон ва муштариёни “Ҳунаристон”-и Муассисаи давлатии “Наврӯзгоҳ”-и пойтахт  ва дигар шаҳрвандон хизмат мерасонанд, таҳти назорат гирифта шаванд.