Силоҳбадасти худкуш худро дар роҳи ҳаракати қӯшунҳои НАТО тарконид

Душанбе, 16.11.15. (АМИТ «Ховар»). — Силоҳбадасти  худкуш, ки дар  автомобили  минадор  дар  ҳудуди   шаҳри Лашкаргоҳи  вилояти Ҳилманди  Афғонистон ҳаракат  мекард,  худро  дар  роҳи  ҳаракати   мошинҳои  қӯшунҳои  НАТО  тарконид.
Ба яке  аз  автомобилҳои  қӯшунҳои  хориҷӣ   зарар расида,  вале  хидматчиёни  қувваҳои  эътилоф  талафот  надодаанд,  хабар  медиҳад Агентии иттилоотии  Пажвок.
Бар  асари таркиш  як сокини  осоишта  ҳалок  гардида,  12  нафари   дигар аз  ҷумлаи шаҳрвандон  ва  кормандони  мақомоти  ҳифзи  ҳуқуқи  Афғонистон  захм  бардоштаанд.
Аз  рӯи  ин  қазия тафтишот оғоз  ёфта,  масъулияти  ҳамлаи   худкушро то  ҳол ягон гурӯҳи  мухолифини  мусаллаҳ  ба  дӯши худ  нагирифтааст.