Суғд: ҷаласаи комиссияи доимии танзими анъана ва ҷашну маросими миллӣ оид ба назорати маъракаҳо

Душанбе, 12.11.2015. (АМИТ «Ховар»).-Дар Мақомоти иҷроияи ҳокимияти давлатии вилояти Суғд таҳти раёсати муовини якуми раиси вилоят Раҳматзода Рустам Мирзо ҷаласаи комиссияи доимии танзими анъана ва ҷашну маросими миллии мақомоти иҷроияи ҳокимияти давлатии вилояти Суғд дар нӯҳ моҳи соли 2015 доир шуд.
Бино ба иттилои Хадамоти матбуоти раиси вилояти Суғд ҳоло як шуъбаи вилоятӣ, 18 бахш дар шаҳру ноҳияҳо ва 115 сармутахассис оид ба корҳои дин, танзими анъана ва ҷашну маросими миллӣ дар ҷамоатҳои шаҳрак ва деҳот, 134 комиссияҳои доимии мақомоти иҷроияи ҳокимияти давлатии вилоят, шаҳру ноҳияҳо, ҷамоатҳои шаҳрак ва деҳот ва 2227 комиссияи ҷамъиятӣ оид ба танзими анъана ва ҷашну маросим дар корхонаю ташкилот, муассисаю ширкатҳо ва хоҷагиҳо ба иҷрои Қонуни Ҷумҳурии Тоҷикистон «Дар бораи танзими анъана ва ҷашну маросим дар Ҷумҳурии Тоҷикистон» назорат мебаранд.