Талошҳои «Созандагони Ватан» барои пешгирии гаравидани ҷавонон ба гурўҳҳои ифротӣ
Душанбе, 28.11.2015. (АМИТ «Ховар»). — Ташкилоти ҷамъиятии ҷавонон «Созандагони Ватан» дар доираи даври дуюми чорабиниҳои худ бахшида ба пешгирии гаравидани ҷавонон ба гурўҳҳои ифротӣ дар шаҳри Қурғонтеппа мизи мудаввар дар мавзўи «Омилҳои гаравидани ҷавонон ба гурӯҳҳои ифротӣ ва роҳҳои пешгирӣ аз он»-ро баргузор намуд.
Дар кори мизи мудаввар ҷавонон аз навоҳии мухталифи вилояти Хатлон, намояндагони мақомоити прокуратура, суд ва амнияти вилоят, рӯзноманигорону коршиносон, аҳли дин ва мақомоти минтақавии муҳоҷират иштирок намуда, доир ба роҳҳои ҳалли пешгирии гаравидани ҷавонон ба ҳизбу гурӯҳҳои ифротӣ ибрози ақида намуданд. Ҳадаф аз баргузор намудани чунин чорабиниҳо, ки дар ВМКБ, вилояти Суғд, шаҳри Душанбе ва навоҳии минтақаи Рашт низ аз ҷониби ташкилоти ҷавонони ҲХДТ доир гардида буд, дарёфти омилҳои ифротгароии ҷавонон ва таҳияи механизмҳои муосири корбарӣ дар асоси фикру таклифоти чунин чорабиниҳо арзёбӣ мегардад. Зеро ТҶҶ «Созандагони Ватан» вазифаи аввалиндараҷаи худ медонад, ки ҷавононро дар руҳияи ватандўстӣ, пос доштани арзишҳои миллию давлатӣ тарбия намуда, қувваи созандаи онҳоро ба корҳои хайри ҷамъиятӣ сафарбар намояд ва онҳоро аз хатарҳои замони муосир, ки бештар вақт ба рўҳияи ҷавонон таъсири манфӣ мерасонад, огоҳ намояд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






