«Тоҷикистон-2030: дар самти рушди устувори инсонӣ»-симпозиуми илмӣ

Ноябрь 11, 2015 10:57

Душанбе, 11.11.2015. (АМИТ «Ховар»).-Дар Маркази тадқиқоти стратегии назди Президенти ҶТ 12 ноябри соли равон Симпозиуми байналмилалии илмию коршиносона дар мавзӯи «Тоҷикистон-2030: дар самти рушди устувори инсонӣ» баргузор хоҳад шуд. 
Ҳадафҳои симпозиум- ин баррасии рушди ояндаи дарозмуддати ҶТ, мубоҳисаҳои коршиносона оид ба самтҳои калидии рушд, пешниҳоди шароити муфид барои мубоҳисаи асоснок ва мубодилаи афкор оид ба ҷанбаҳои калидии рушди сармояи инсонӣ, дастгирӣ ва пешбурди ташабусҳое, ки ба таъмини самаранокии дигаргуниҳои иқтисодӣ дар доираи сармояи инсонӣ равона шудаанд, мусоидат ба рушди механизмҳои ҳамкории мақомоти идоракунандаи давлатӣ, соҳибкорӣ ва ҷомеаи шаҳрвандӣ дар таъмини рушди устувори инсонӣ мебошад. 
Симпозиум шомили ҷаласаҳои пленарӣ ва нишастҳо дар чор бахш хоҳад буд, ки дар онҳо маърӯзаҳои коршиносон, намояндагони вазоратҳои соҳавӣ ва ҷомеаи шаҳрвандӣ оид ба ҷанбаҳои калидии рушди устувори инсонӣ садо хоҳанд дод. 
Дар назар аст, ки дар доираи ҷаласаҳои симпозиум масъалаҳои сиёсати ҷавонон, нобаробарии иқтисодӣ ва рушди инсонӣ, амнияти инсонӣ, камбизоатӣ ва сиёсати давлатии мубориза бо камбизоатӣ баррасӣ шаванд. 

Ноябрь 11, 2015 10:57

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд