Қувваҳои ҳарбии Русия ва Фаронса ба ДИ муташаккилона зарба мезананд

Душанбе, 18.11.15. (АМИТ «Ховар»). — Қувваҳои  ҳарбии  Русия  ва  Фаронса ба созмони  террористии ДИ муташаккилона  зарба  мезананд. Шоми  17  ноябр  сарварони  давлатҳо зимни  суханронӣ  тавассути телефон дар  бораи  ҳамкории   зичтар  дар  ҷараёни  амалиёт  дар  Сурия мувофиқат  карданд,  хабар  медиҳад дафтари  матбуоти  Кремл.
Як рӯз  пеш Владимир  Путин  дар  маркази  миллии  идораи мудофиаи  Русия  дар  бораи амалиёти қувваҳои  ҳарбии  кайҳонӣ  дар  Сурия  машварат  доир  намуд. 
Президент дар  машварат  чунин  гуфт: «Вақтҳои  наздиктарин  гурӯҳи ҳарбии баҳрии Фаронса бо  иштироки  киштии  тайёрабар ба  минтақаи  амалиёти  шумо меояд. Бояд бо фаронсавиҳо  робитаи  мустақим барқарор  намуда, бо  онҳо, чун  бо  иттифоқчиён кор  кард». Ба  сардори Ситоди  генералӣ ва  вазири  мудофиа  дар  бораи барқарор  намудани  робита дастурҳо  дода шуданд. Ба  гуфтаи  сарвари  Русия,  онҳо  бояд якҷоя  бо ҷониби  Фаронса  нақшаи   амалиётҳои  муштарак «чӣ дар  баҳр  ва  чӣ  дар  ҳаво» — ро  тарҳрезӣ  намоянд.