В.Путин: «Ҳавопаймои Русия СУ-24 ба амнияти Туркия ҳеҷ таҳдиде надошт»
Душанбе, 24.11.2015. (АМИТ «Ховар»). — Ҳавопаймои Русия СУ-24 ба амнияти Туркия ҳеҷ таҳдиде надошт, дар ин бора Президенти Русия Владимир Путин ҳангоми мулоқот бо Шоҳи Иордания Абдулло II Бин Ал Ҳусейн дар пахши мустақими шабакаи телевизионии Русия 24 изҳор дошт.
«Ҳавопаймоҳои мо дар ягон ҳолат ба Ҷумҳурии Туркия таҳдид накардаанд. Ин чиз равшан аст. Онҳо амалиёти зидди ДИИШ мегузаронданд», — изҳор дошт В. Путин.
«Намедонам, он ҳодисае ки имрӯз рух дод, ба кӣ лозим буд. Ба ҷои он ки фавран бо мо робитаи заруриро ба роҳ монанд, ҷониби Туркия ба шарикони худ дар НАТО барои муҳокимаи ин вазъият муроҷиат кард-гӯё мо ҳавопаймои онҳоро сарозер карда бошем, на онҳо аз они моро. Онҳо мехоҳанд, ки НАТО-ро ба хизмати ДИИШ гузоранд?».
Путин: «Барои изҳори тасаллият ташаккур. Ин ҳодисаҳо аз доираи муборизаи маъмулӣ бо терроризм берунанд. Албатта, ҳарбиёни мо бо терроризм худ ва ҳаёти худро дареғ надошта муборизаи қаҳрамонона мебаранд. Ҳодисаи имрӯза зарбаест ба пушти мо. Ба ин ҳодиса наметавонам баҳои дигар диҳам. Ин зарба, зарбаи шарикони террористон ба пушти мо аст».
Ғайр аз ин, В. Путин изҳор дошт, ки ҳодисаи имрӯза ба муносибатҳои Русияву Туркия метавонад пайомадҳои ҷиддӣ дошта бошад.
16 июл дар якчанд кумитаю идора нишасти матбуотӣ баргузор мегардад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Ба истироҳатгоҳи «Ҳамсафар» зиёда аз 300 кӯдак ҷалб мешавад
