Вохӯрии директори АНМН бо намояндагони СММ

Душанбе, 4.11.2015. (АМИТ «Ховар»).-3 ноябр дар Агентии назорати маводи нашъаовари назди Президенти ҶТ вохӯрии директори агентӣ Рустам Назарзода бо муовини мушовири минтақавии Барномаи Рушди СММ оид ба амният дар Аврупо ва кишварҳои ИДМ Дамян Згаҷнер ва мушовири амнияти СММ дар Тоҷикистон Андрей Кандибко  баргузор гардид.  
Дар вохӯрӣ директори агентӣ меҳмононро бо вазъи баамаломада вобаста бо маводи нашъаовар дар Тоҷикистон, Афғонистон, инчунин минтақаи Осиёи Марказӣ, роҳҳои интқоли маводи нашъаовари синтетикӣ ба Тоҷикистон, хатсайрҳои асосии қочоқи маводи нашъаовар аз Афғонистон шинос намуд. 
Дар  вохӯрӣ масъалаҳои ҳамкории дуҷонибаи минтақавӣ дар мубориза бар зидди муомилоти ғайриқонунии маводи нашъаовар, терроризм ва экстремизм баррасӣ гардиданд.  
Дар анҷоми вохӯрӣ тарафҳо изҳори бовар намуданд, ки дар оянда ҳамкории судманд байни Ҷумҳурии Тоҷикистон ва СММ дар соҳаи назорати маводи нашъаовар боз ҳам таҳким меёбад.