Зеботарину покизатарин шаҳри Тоҷикистон дар соли 2015 кадом аст?

Душанбе, 24.11.2015 (АМИТ «Ховар»). — Расонаи иттилоотии «Ховар» барои муайян кардани шаҳри тозатарин, зеботарин ва муосири Тоҷикистон дар соли 2015 миёни хонандагони сомона назарпурсӣ мегузаронад. Назарпурсӣ ду ҳафта идома ёфта, рўзи 7-уми декабр ҷамъбаст мешавад. Дар назарпурсӣ ҳама нафарон, новобаста аз касбу кор метавонанд иштирок кунанд. 7 шаҳри мамлакат- Душанбе, Хуҷанд, Кўлоб, Қурғонтеппа, Хоруғ, Норак ва Турсунзода дар рӯйхат номнавис шудаанд. Хонандагон бояд холисона муайян кунанд, ки кадоме аз ин шаҳрҳо дар давоми соли равон тозатару озодатар гашта, корҳои ободониву сохтмонӣ, роҳсозӣ ва муосиршавии инфрасохторӣ дар ин шаҳрҳо бештару беҳтар тақвият ёфтаанд. 
Ҳадаф аз баргузории назарпурсӣ тарғиби фарҳанги шаҳрдорӣ, мусоидат ба муомила, муносибат, муошират ва сатҳи хизматрасонии баланд дар миёни сокинони шаҳрҳои мамлакат мебошад.