Ҷамъияти тоҷикони Тюмен: Эмомалӣ Раҳмон барои гирифтани унвони «Пешвои миллат» арзанда аст

Душанбе, 13.12.2015. (АМИТ «Ховар»). — Тоҷикон баъди гузашти садсолаҳо бо амри тақдир ва ҷонбозиҳои фарзандони баруманди миллат боз соҳиби давлати соҳибистиқлол гардиданд. Вале дар рӯзҳои нахустини қадамҳои мустақилонааш  пайдо шуданд душманону хоинони миллат, ки кишварро ба гирдоби кашмакашиҳои дохила тела дода, хостанд ин миллат ҳеҷ гоҳ соҳиби давлати алоҳидаву тақдирсози ояндаи хеш набошад. 
Дар чунин рӯзҳои сангин муҳтарам Эмомалӣ Раҳмон тақдири давлату миллатро ба даст гирифта кишварро аз вартаи фаноёбӣ ва порча — порча гаштан наҷот дод. Муҳоҷирони иҷбориро ба Ватан бозпас гардонида овард. Мардум боз сари як дастархон гирд омаданд. Маҳз аз ҳамин давра миллати тоҷик Эмомалӣ Раҳмонро ҳамчун Пешвои миллат эътироф кард ва бо боварӣ аз паси ӯ рӯ ба эъмори давлатдорӣ ниҳод.
 Аз онки имрӯз қонун қабул гардиду ба Эмомалӣ Раҳмон расман унвони Пешвои миллат дода шуд, мо тоҷикон фахр мекунем ва омодаем сиёсати хирадмандонаи  пешгирифтаи ин абармарди таърихиро дастгирӣ намуда, дар атрофаш ҳамчун сипар истода бошем.