Ба 67 шаҳрванди бекор 250 ҳазор сомонӣ қарзи имтиёзнок дода шуд

Душанбе, 30.12.2015. (АМИТ «Ховар»). — Бо мақсади коҳиш додани муҳоҷирати меҳнатии шаҳрвандон ва бекорӣ миёни ҷавонон соли равон дар Конибодом таъсиси 4687 ҷойи нави корӣ пешбинӣ гардида, дар ин давра аз ҳисоби ҳама намуди сарчашмаҳо 4663 ҷойи корӣ таъсис ва барқарор карда шуданд.
Аз мақомоти иҷроияи маҳаллӣ хабар доданд, ки то имрўз 1773 шаҳрванд бо масъалаҳои таъминкунӣ бо кор муроҷиат намуданд, ки аз онҳо 1336 нафар ҳамчун корҷўй ба қайд гирифта шуда, 647 нафар бо ҷои кор таъмин гардиданд.
Бино ба иттилои хадамоти матбуоти раиси вилояти Суғд ба 67 шаҳрванди бекор ба маблағи 250 ҳазор сомонӣ қарзҳои имтиёзнок дода шуданд, ки дар натиҷа онҳо имконияти ба соҳибкорӣ машғул шуданро пайдо намуда, соҳиби ҷои кор шудаанд.