Дар Истанбул мошини боркаш оташ гирифта, таркид

Душанбе, 29.12.2015 (АМИТ «Ховар»). — Дар истгоҳи роҳи оҳани Ҳайдарпошои Истанбул як силсила таркишҳо садо доданд, хабар медиҳад шабакаи телевизиони «Русия 24». Ба гуфтаи шоҳидон, онҳо на кам аз панҷ садои баландро шуниданд ва баъд сӯхтор ба амал омад. Ҳоло муяссар шуд, ки сӯхторро хомӯш кунанд.
Бино ба иттилои агентиҳои иттилоотии маҳаллӣ, дар назди бинои истгоҳи роҳи оҳан мошини калони боркаш оташ гирифт ва эҳтимол меравад, сабаби он норасоӣ дар зарфи сӯзишворӣ бошад. Бар асари он ронандаи мошини боркаш осеб дида, дар беморхона бистарӣ шудааст. Рақамҳои мошини боркаш украинӣ буданд. Полис ҳодисаро мавриди таҳқиқ қарор додааст. Ҳукуматдорони Туркия вазъиятро шарҳ намедиҳанд. Тибқи иттилои «ТАСС», ин ҳодиса тақрибан соати 00:15 бо вақти маҳаллӣ дар терминали хизматрасонии киштиҳои интиқолкунандаи мошинҳо рух  додааст.