Дарсгурезе, ки IQ-аш аз Эйнштейн баландтар аст, ба Оксфорд даъват карда шуд

Душанбе, 15.12.2015. (АМИТ «Ховар»). — Духтараки бритониёӣ Никол Баррро, ки натиҷаи санҷиши IQ-аш баландтар аз Алберт Эйнштейн ва Стивен Хокинг аст, ба таҳсил дар Донишгоҳи Оксфорд даъват карданд. 
Барри сездаҳсола нақша дорад, ки ба омӯзиши тибб машғул шавад. Ӯ ҳисобро дар  2-солагӣ омӯхта, дар 10-солагӣ аллакай масъалаҳои мураккаби алгебравиро ҳал мекард, менависад «The Mail Daily».
Нашрия зикр менамояд, ки бо вуҷуди ин Барр дар мактаб зуд-зуд ба машғулият ҳозир намешуд.  «Ман давомоти на он қадар хуб доштам, модарам маро маҷбур мекард, ки ба мактаб равам», — нақл кард духтарак.
Коэффитсиенти зеҳнӣ (IQ) — и духтарак аз рӯи  натиҷаҳои санҷиши «Mensa» 162 холлро  ташкил медиҳад, ки ин нишондод ду хол беш аз Эйнштейн ва Хокинг мебошад. Ҳисоби миёнаи  IQ-и калонсолон  100 хол аст.