ДМТ: Сифати моддиву техникии расонаҳо бояд пурзӯр карда шавад

Душанбе, 5.12. 2015. (АМИТ «Ховар»).-«Журналистикаи чандрасонаӣ барои Тоҷикистон хеле муҳим аст, зеро журналистикаи дигар кишварҳо  аллакай чандрасонаӣ шудаву журналистикаи мо хеле қафо мондааст.  Дар Тоҷикистон аввалин интернет-журналистика аз соли 2004 оғоз шудааст, вале то ин муддат мо ягон расонаи пурра  мултимедиявӣ надорем. Сабаби аслии ин имкон надодани базаи моддиву техникии расонаҳо аст. Вале он расонаҳое, ки чунин имконият доранд, ба монанди телевизионҳо, аз ин имконият хуб истифода намебаранд»,- гуфт профессори Донишгоҳи миллии Тоҷикистон Муқим Муқимов дар конфронси ҷумҳуриявии «Матбуоти даврӣ ва журналистикаи чандрасонаӣ: мушкилот ва дурнамо», ки имрўз дар факултаи журналистикаи ДМТ баргузор гардид.
Ҳамчунин дар конфронс гуфта шуд, ки барои журналистикаи чандрасонаиро ба роҳ мондан, пеш аз ҳама, заминаи моливу техникии расонаҳо бояд пурқувват карда шавад.