Эрдуғон: неруҳои Туркия бо дархости ҳукумати Ироқ ба ин кишвар дароварда шуданд
Душанбе, 10.12.2015 (АМИТ «Ховар»). — Президенти Туркия Реҷеп Тайип Эрдуғон изҳор дошт, ки неруҳои Туркия бо дархости Сарвазири Ироқ Ҳайдар ал-Абадӣ ба ин кишвар ворид шуданд, иттилоъ медиҳад шабакаи телевизионии «Ал-Ҷазира».
«Неруҳои Туркия бо дархости Ҳайдар ал-Абадӣ, ки соли 2014 муроҷиат карда буд, дар пойгоҳе дар минтақаи Башикаи атрофи шаҳри Мосули Ироқ ҷойгир карда шуданд. Чаро ӯ аз соли 2014 ин ҷониб хомӯш буд?», гуфт Эрдуғон.
Чанде пеш ҳукуматдорони Ироқ ба НАТО муроҷиат карданд, ки Туркияро маҷбур созад фавран неруҳояшро аз қисмати шимолии ин кишвар барорад.
Ёдовар мешавем, ки 4-уми декабр неруҳои Туркия ба минтақаи шаҳри Мосул ворид шуданд. Бино ба маълумоти ҷониби Туркия, онҳо сарбозони ироқиро таълим медиҳанд. Бо вуҷуди ин, Бағдод вуруди неруҳоро таҷовуз арзёбӣ намуда, аз Туркия талаб кард, ки неруҳояшро аз ин кишвар барорад. Эҳтимол меравад, ки ҳоло дар Ироқ қариб 150 ходими ҳарбии Туркия қарор доранд.
.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






