Фаронса киштии «Шарл де Голл»-ро ба Халиҷи Форс мефиристад

Душанбе, 05.12.2015. (АМИТ «Ховар»).- Киштии интиқолдиҳандаи ҳавопаймоҳои ҳарбии «Шарл де Голл», ки дар баҳри Миёназамин аст, ба Халиҷи форс кӯчонида мешавад.  Дар ин бора Президенти Фаронса Франсуа Олланд изҳор дошт. 
Киштӣ пас аз силсилаи амалҳои террористӣ дар Фаронса, ки шаби 13 ба 14 ноябр рух доданд, ба баҳри Миёназамин равона шуд. Дар ин таркишҳо, ки онро террористони гурӯҳи «Давлати исломӣ» бар дӯш гирифтанд, 130 нафар қурбон гардид.
Миёнаҳои моҳи ноябр киштӣ пас аз ба роҳ мондани робита бо киштиҳои Флоти ҳарбӣ-обии  Русия ба баҳри Миёназамин оварда шуд.
Бино ба иттилои RFI, дар киштии «Шарл де Голл» 26 ҳавопаймо қарор дорад. 23 ноябр қиркунандаҳои Фаронса, ки аз ин киштӣ парвоз карданд, ба мавқеъҳои ҷангиён чандин зарба заданд.
Дирӯз НҲҲ Фаронса ба қаламрави зери тобеияти ДИ дар Либия аввалин парвозҳои иктишофӣ анҷом доданд.