Густариши ҳамкории Филиппин бо Тоҷикистон
Душанбе, 10.12.2015. (АМИТ «Ховар»).- Сафири фавқулодда ва мухтори Ҷумҳурии Филиппин Даниел Рамос Эспириту 10-уми декабр дар қатори дигар сафирон дар назди намояндагони васоити ахбори омма баён дошт, ки бо як зумра ашхоси расмии Ҳукумати Ҷумҳурии Тоҷикистон имкони васеъ барои мулоқоти муфиду судманд рӯи даст омад.
«Шояд кишвари мо дар минтақаи Осиё дур аз кишвари тоҷикон ҷойгир буда, таърихи муносибат ва робитаҳои дуҷонибаи мо ҷавон бошад, аз дигар ҷиҳат ин инъикоскунанда ва ё ифодакунандаи он мебошад, ки мо ҳанӯз иктидор ва имконоти зиёд барои ҳамкории минбаъдаи густурда дорем. Дар айни замон ҳукуматҳои ҳарду кишвар дар бобати мувофиқакунонии лоиҳаи се санади муҳиму мубрам қарор доранд, ки ба имзо расонидани ин се созишнома имкон медиҳад, то ҳамкорӣ ва робитаҳои байни ду кишвар ба таври муассир дар соҳаҳои мавриди эҳтимоми тарафайн ба роҳ монда шаванд. Яке аз чунин санад соҳаи сайёҳӣ буда, дигаре дар соҳаи тиҷорат, сармоягузорӣ ва ҷилавгирӣ аз андозбандии дукарата ва ниҳоят созишномаи сеюм дар мавриди пуштибонӣ ва мусоидат барои ҷалби сармоягузориҳои мутақобила мебошад»,-гуфт сафир.
Сафири Ҷумҳурии Филиппин дар Тоҷикистон иброз намуд, ки зимни адои вазифа тамоми кӯшишу заҳматҳои худро барои густаришу инкишофи ҳамкории муфиду судманд байни ду кишвар ба харҷ хоҳад дод.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






