Кӯлоб: раванди болоравии шумораи нафақагирон таҳти назорати доимист

Кӯлоб, 10.12.2015 (АМИТ «Ховар»). — Бино ба иттилои сардори Раёсати Агентии суғуртаи иҷтимоӣ ва нафақаи минтақаи Кӯлоб Ҷӯрабек Қурбонов  раёсати агентӣ  раванди болоравии  шумораи нафақагиронро  таҳти назорати  доимӣ қарор дода,  таҳяи дурусти  дархостҳои  Раёсату шуъбаҳои  нафақаи шаҳру  ноҳияи минтақаро  барои маблағгузории нафақа  мунтазам  мавриди омӯзиш  қарор медиҳад. То ин муддат  дар минтақаи Кӯлоб 77 327 нафар нафақагир  мавҷуд мебошад, ки  ҳисоби нафақаи онҳо  ба 218,42  сомонӣ баробар аст.  Инчунин дар минтақа 21 490 нафар нафақагири маъюб ба қайд гирифта шудааст, ки аз шумораи  умумии маъюбон  кӯдакони то 18-сола 3983 нафарашро ташкил медиҳанд.