Хуҷанд: Нишастҳои хабарӣ аз 11-уми январ оғоз мешаванд

Хуҷанд, 31.12.2015. (АМИТ «Ховар»). — Шурӯъ аз 11-уми январи соли 2016 дар мақомоти иҷроияи ҳокимияти давлатии шаҳру ноҳияҳо, сарраёсату раёсатҳо, ташкилоту идораҳо, муассисаҳо ва мактабҳои олии вилояти Суғд нишастҳои хабарӣ оғоз меёбанд.
Тибқи ҷадвали тасдиқшудаи нишастҳои матбуотии ниҳодҳои давлатӣ 11 январ дар як зумра шаҳру ноҳияҳо нишастҳои хабарӣ доир мешаванд.
Ҳамчунин нишасти хабарии раиси вилояти Суғд Абдураҳмон Қодирӣ 14 январ баргузор мегардад. Дар ин рӯз раиси вилоят доир ба натиҷаҳои яксолаи хоҷагии халқи вилоят сухан гуфта, ҳамзамон ба суолҳои журналистон посух хоҳад гуфт.