Курси омӯзишии «Зан — роҳбар» дар Кӯлоб барпо гардид

Душанбе, 8.12.2015. (АМИТ «Ховар»).-Барои амалӣ намудани «Барномаи тарбия, интихоб ва ҷобаҷогузории кадрҳои роҳбарикунандаи Ҷумҳурии Тоҷикистон аз ҳисоби занону духтарони лаёқатманд барои солҳои 2007-2016»  5 декабр  дар шаҳри Кӯлоб курси омӯзишии «Зан — роҳбар» доир гардид. 
Бино ба иттилои  Кумитаи кор бо занон ва оилаи назди Ҳукумати Ҷумҳурии Тоҷикистон дар ҷараёни дарси омӯзишии навбатӣ 30  шунаванда иштирок намуда, аз ҷониби мудири кафедраи психологияи Донишгоҳи миллии Тоҷикистон Сайфиддин Расулов мавзӯи «Психологияи идоракунӣ ва сарварӣ» мавриди баррасӣ қарор дода шуд. Дар ҷараёни таҳлилу баррасии мавзӯъ байни иштирокдорони курси омӯзишӣ ва мутахассиси соҳа мубодилаи афкори судманд ба миён омада, онҳо ба саволҳои сершуморашон посухи мушаххас гирифтанд.