М. Човушоғлу: «Туркия дар робита ба Русия сабри беҳад надорад»

Душанбе, 12.12.2015. (АМИТ «Ховар»). -Туркия Русияро ба таҳаммулпазирӣ даъват мекунад, вале «сабри он беҳад нест», — изҳор дошт вазири корҳои хориҷии Туркия Мавлуд Човушоғлу дар мусоҳиба бо шабакаи телевизионии маҳаллии «NTV».
М. Човушоғлу афзуд, ки Туркия ҳамчун як «давлати муосири баркамол» амал мекунад. Ӯ изҳор дошт, ки Туркия намехост ҳодисаи ҳамла ба Су-24-и Русия рух диҳад, аммо бори дигар таъкид кард, ки ҳавопаймо ҳарими ҳавоии Туркияро вайрон карда буд. Бо вуҷуди ин, Туркия ҳамоно хостори баргаштан ба муносибатҳои қаблӣ бо Русия аст, — зикр намуд Човушоғлу.
Ёдовар мешавем, ки муносибати Русия бо Туркия пас аз он, ки қиркунандаи туркӣ Су-24-ро дар марз бо Сурия сарозер кард, тезу тунд гардид. Вазорати мудофиаи Русия вайрон кардани ҳарими ҳавоии Туркияро инкор кард.
Дар охири моҳи ноябр, президенти Русия Владимир Путин бар зидди  Туркия таҳримҳо ҷорӣ кард.
Дар навбати худ, президенти Туркия Реҷеп Тайип Эрдуғон изҳор дошт, ки омодааст ба таҳримҳои Русия нисбат ба Туркия вокуниш нишон диҳад.