ММТ: Довталабон бояд ихтисоси писандидаи худро дар аввал гузоранд
Душанбе, 19.12.2015. (АМИТ «Ховар»).- Маркази миллии тестии назди Президенти Ҷумҳурии Тоҷикистон (ММТ) бо мақсади анҷом додани корҳои фаҳмондадиҳӣ дар самти дохилшавӣ тариқи низоми марказонидаи тестӣ дар моҳҳои октябр, ноябр ва декабри соли 2015 дар 277 муассисаи таълимӣ бо иштироки 19 476 нафар хатмкунанда ва омӯзгорони кишвар вохӯрӣ анҷом дод. Маҳмадалӣ Раҳмонов-муовини директори ММТ дар робита ба натиҷаи вохӯриҳои соли таҳсили 2014-2015 анҷомдода иттилоъ дод, ки бо вуҷуди гузаронидани семинарҳои омӯзишӣ барои таблиғгарони ММТ дар ҳама шаҳру ноҳияҳо, ҳамоно бархе аз довталабон ба хатогиҳо роҳ доданд.
Ба гуфтаи муовини директори ММТ дар бештари ҳолатҳо довталабон бояд ба бартарии интихоби ихтисос диққат диҳанд, яъне вақте довталаб ҳуқуқ дорад дар доираи як кластер то 12 ихтисосро интихоб намояд, бояд дар мадди аввал он ихтисосеро гузорад, ки барои ӯ бештар писанд аст. «Аммо мутаассифона, баъзе довталабон дар ин самт ба хатогӣ роҳ доданд, аз ҷумла бартарии ихтисоси коллеҷҳоро аз ихтисоси Донишгоҳҳо дар мадди аввал гузоштаанд ё ҳолати дигар довталаб гурӯҳи шартномавиро дар аввал гузоштааст, гурӯҳи ройгонро дар ҷойи 2-юм ё 3-юм гузоштааст. Вақте ки ин довталабон бали баландро ба даст оварданд, аллакай ба гурӯҳи шартномавӣ шомил гардиданд ва бештари ин довталабон ба ММТ омада даъво мекунанд, ки бали баланд гирифтаанду мехоҳанд таҳсилро дар гурӯҳи ройгон идома диҳанд»,мегӯяд Маҳмадалӣ Раҳмонов.








Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст






