Мулоқоти Сироҷидин Аслов бо Петер Буриан

Душанбе, 4.12.2015 (АМИТ «Ховар»).- 3 декабри соли 2015 дар Белгради Сербия дар ҳошияи иҷлосияи 22-юми Шӯрои вазирони корҳои хориҷии Созмони амният ва ҳамкорӣ дар Аврупо (САҲА) мулоқоти вазири корҳои хориҷии Тоҷикистон Сироҷидин Аслов бо намояндаи махсуси Иттиҳоди Аврупо дар кишварҳои Осиёи Марказӣ Петер Буриан баргузор гардид.
Дар  мулоқот ҷонибҳо натиҷаҳои сафари кории Президенти Ҷумҳурии Тоҷикистон Эмомалӣ Раҳмон ба шаҳри Брюссел ва мулоқоти ӯ бо роҳбарияти ниҳодҳои Иттиҳоди Аврупо, инчунин ҳамкорӣ дар чаҳорчӯби «Стратегияи нави Иттиҳоди Аврупо барои Осиёи Марказӣ дар давраи солҳои 2015-2020»-ро мавриди муҳокима қарор доданд.
Ҷонибҳо инчунин дар атрофи масъалаҳои ҳамкорӣ дар мубориза бо терроризм, ифротгароӣ ва омилҳое, ки ба амнияти минтақа ва ҷаҳон таҳдид мекунанд, мубодилаи афкор намуданд.