Пешгирии ҷавонон аз шомилшавӣ ба гурӯҳҳои ифротӣ дар Тоҷикобод

Душанбе, 28 .12.2015 (АМИТ «Ховар»).-Сардори  бахши  кор бо занон ва оилаи мақомоти иҷроияи маҳаллии ҳокимияти давлатии ноҳияи Тоҷикобод Меҳринисо Гадоева бо сардори шуъбаи амнияти ноҳия Нодиршоҳ Достиев дар ҳудуди се ҷамоати ноҳия бо ҷавонон ва падарону модарон оид ба  шомил нагардидани ҷавонон ба ҳар гуна гурӯҳҳои ифротгаро суҳбату вохӯриҳо гузарониданд.
Дар вохӯриҳо директорони муассисаҳо, раисони деҳаҳо, имомхатибон ва раисони ҷамоатҳо иштирок намуданд.
Вобаста ба шомилшавии ҷавонон ба гурӯҳҳои ифротгаро мудири бахши кор бо занон ва оила М. Гадоева аз модарон даъват ба амал овард, ки  аз ҳолу аҳволи фарзандонашон, ки дар Федератсияи Русия ҳастанд, ба воситаи телефон пайваста бохабар бошанд, зеро  имрӯз  ҷавонони моро аз тариқи шабакаҳои интернетӣ бо макру ҳила ва ваъдаҳои бардурӯғ фирефта месозанд.
Чунин  вохӯриҳо аз тарафи шуъбаву бахшҳои дахлдор идома доранд.