Пешгирии шомилшавии ҷавонон ба ҳизбу ҳаракатҳои экстремистӣ

Хуҷанд, 23.12.2015. (АМИТ «Ховар»). —    Дар Донишгоҳи давлатии Хуҷанд ба номи академик Бобоҷон Ғафуров чорабинии маърифатию тарбиявӣ дар мавзӯи «Шомилшавии ҷавонон ба ҳизбу ҳаракатҳои экстремистӣ» ва дигар намудҳои ҷинояткорию ҳуқуқвайронкунӣ баргузор гардид.
Дар чорабинӣ Бахтовар Нарзиев, сарнозири хадамоти пешгирии ҳуқуқвайронкунӣ дар байни ноболиғон ва ҷавонони РВКД-и вилоят Шуҳратҷон Абдуллозода намояндаи РАНМН, Фахриддини Аваззод, нозири калони супоришҳои махсуси Агентии маводи нашъаовари назди Президенти Ҷумҳурии Тоҷикистон,- намояндаи БДА РВКД ва дигарон иштирок намуданд. 
Бахтовар Нарзиев, Шуҳратҷон Абдуллозода ва Фахриддини Аваззод вобаста ба самти фаъолияташон маълумоти муфассал дода, аз донишҷӯён даъват  намуданд, ки ба таҳсили хубу аъло машғул гардида, аз даст задан ба амалҳои номатлуб ва кирдорҳои зишт худдорӣ намоянд.