Раҳпаймоии сокини Кӯлоб ҳамчун рамзи ҷонибдорӣ аз Пешвои миллат

Декабрь 19, 2015 05:54

Кӯлоб. 19.12.2015. (АМИТ «Ховар»). – Сокинони шаҳру деҳоти Кӯлоб бо доир намудани роҳпаймоии тантнавӣ дар хиёбони Исмоили Сомонӣ ҷонибдории хешро нисбати унвон гирифтани Президенти Ҷумҳурии Тоҷикистон ҳамчун «Асосгузори сулҳу ваҳдати миллӣ- Пешвои миллат» баён доштанд. Аз ҷониби Парлумони кишвар Қонуни мукамал «Дар бораи Асосгузори сулҳу ваҳдати миллӣ-Пешвои миллат»» унвон кардани фарзанди содиқи Ватан Президенти Ҷумҳурии Тоҷикистон Эмомалӣ Раҳмон барои баррасӣ ба тавсиб расид, ки руҳияи тамоми шаҳрвандони дохилию бурунмарзиро боз ҳам баланд бардошт.  Баромадҳои пурмуҳтавои ин шахсияти барҷастаи олами сиёсат аз минбарҳои баланд бори дигар шахсияти таърихии нотакрорро бозгӯ месозад. Маврид ба қайд аст, ки ҳадафи аслиии қабули Қонуни мазкур арҷгузорӣ ба хизматҳои шоёни ин абармарди фарҳангдӯсту раиятпарвар ба ҳисоб меравад. Аз тарафи дигар гуфтан мумкин аст, ки Тоҷикистон ҳамчун давлати шинохташудаи миллӣ дар арасаи ҷаҳон имрӯз дар оғози марҳилаи нав, хеле муҳим, ҳассос, ва ҳалкунанда қарор дорад. Бори дигар мардуми Кӯлобшаҳри бостонӣ тасдиқи ҳамаҷонибаи хешро дар ҷараёни ҳамоиши тантанавӣ бозгӯ сохтанд.  Шиору навиштаҷотҳои даъватӣ ва баланд бардоштани Парчами миллӣ нишонаи он буд, ки мардуми Кӯлоб бо иродаи қавӣ ва рисолати бузурги Пешвои миллат боварӣ доранд ва ҳамеша пуштибони сиёсати имрӯзаи сарвари давлатанд. Иштирокчиёни роҳпаймоӣ таҳти шиори «Зиҳӣ Пешвои миллат Эмомалӣ Раҳмон» дар хиёбони Исмоили Сомонӣ мавқеи худро бо як руҳияи баланди шикастнопазирӣ маълум карданд. Арҷ гузоштан ба хизматҳои шоистаи ин гуна афрод рисолати аслии гузаштагони миллати тамаддунофари тоҷик аст, ки пешниҳоди ин унвон ба Раиси Ҳукумати Тоҷикистон Эмомалӣ Раҳмон идомаи мантиқии гуфтаҳои болост.

 

Декабрь 19, 2015 05:54

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд