Соли оила аз беҳтарин иқдомҳои Пешвои миллат аст

Декабрь 26, 2015 05:29

Душанбе, 26.12.2015 (АМИТ «Ховар»).- 25 декабр  дар Китобхонаи миллии Ҷумҳурии Тоҷикистон бахшида ба эълон шудани соли 2015 чун Соли оила ҳамоиш баргузор гардид. Директори Китобхонаи миллӣ профессор С.Назарзода зикр кард, ки эълон шудани Соли оила  аз беҳтарин иқдомҳои Пешвои миллат дар масъалаи пойдории оилаҳо ва тарбияи дурусти фарзандон ба шумор меравад.
Муовини Президенти Академияи илмҳои Ҷумҳурии Тоҷикистон, академик М. Ёқубова вобаста ба оқибатҳои ногувори никоҳҳои хешутаборӣ, таваллуди фарзандони маъюб ва оқубатҳои вазнини ин раванди номатлуб, ки дар ҷомеа ҷой дорад, сухан гуфт.
Вобаста ба аҳамият ва моҳияти Соли оила, татбиқи он дар кишвар ва натиҷаҳои ба дастоварда раиси Кумитаи кор бо занон ва оилаи назди Ҳукумати Ҷумҳурии Тоҷикистон Махфират Хидирзода ҳарф зад. Ҳамчунин мавсуф иброз дошт, ки маҳз фаъолияти ҳамоҳанги мақомоти давлатӣ ва ҷомеаи шаҳрвандӣ василаи боэътимоди боло бурдани маърифати оиладорӣ, пешгирии вайроншавии оилаҳо, ташаккули муносибатҳои созанда ва орӣ аз хушунат дар оила буда, тавассути он имконияти воқеии таъмини пойдории оилаҳо таъмин мегардад.
Дар мулоқот кормандони Китобхонаи миллӣ, намояндагони қишрҳои гуногуни ҷомеа ширкат доштанд. Ташкилкунандагони ҳамоиш маҳфили хотирмони фарҳангиро барои иштирокдорон пешниҳод омода намуданд.

 

Декабрь 26, 2015 05:29

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд