Сурия ҳамлаи ҳавоии эътилофро ба бошгоҳи низомӣ маҳкум кард

Душанбе, 07.12.2015 (АМИТ «Ховар»). — ВКХ Сурия ба Дабири кулли СММ ва раиси Шӯрои амният дар иртибот ба зарбаҳои эътилофи байналмиалӣ таҳти роҳбарии ИМА ба низомиёни суриягӣ нома ирсол намуд. Димишқ амали онҳоро таҷовуз хонда, илова намуд, ки ҳадафи онҳо пойгоҳи ҳарбӣ буд. Дар ин бора агентии иттилоотии давлатии Сурия «SANA» иттилоъ медиҳад.
Дар нома, ВКХ Сурия бомбаборон кардани мавқеи нерӯҳои ҳукуматиро «амали таҷовузи гӯшношунид, ки бар хилофи Оинномаи СММ аст», хонд. ВКХ Сурия аз СММ даъват менамояд, ки «барои такрор нашудани чунин ҳодисаҳо ҳарчи зудтар чораҳои зарурӣ андешад».
Оид ба бомбаборон шудани пойгоҳи ҳарбӣ аз ҷониби ҳавопаймоҳои ҷангии эътилоф аз Маркази Дидбони ҳуқуқи башари Британия дар Сурия иттилоъ доданд. Гуфта мешавад, ки бар асари зарбаҳои ҳавоӣ 4 нафар ҳалок гашта, 13 тани дигар захмӣ шуданд.