Таҷлили иди Меҳргон дар Хатлон

Қӯрғонтеппа, 16.12.15. (АМИТ «Ховар»). — 15  декабр  дар  шаҳри Қӯрғонтеппаи  вилояти  Хатлон  иди Меҳргон таҷлил  гардид. Ба  ифтихори  ин  сана  намоишгоҳи фурӯши  маҳсулоти  кишоварзӣ  доир  гардида, маҷлиси ботантанаи  собиқадорони  соҳа ва  мутахассисони бахши  кишоварзӣ баргузор  шуд. 
Раиси   вилояти  Хатлон  Давлатшоҳ Гулмаҳмадзода  зимни  суханрониаш дар  ҳузури ҳозирон  изҳор  дошт, ки Меҳргон  дар  баробари  идҳои  дигари   халқҳои  форсизабон  аз  даврҳои  қадим  сарчашма  мегирад. «Меҳргон  рамзи  тирамоҳи  заррин ва мавсими  ҷамъоварии ҳосили сарпанҷаи  деҳқон аст», —  гуфт  Гулмаҳмадзода. 
Дар  анҷом пешқадамони  соҳа,  собиқадорон  ва  мутахассисони  бахши  кишоварзию  саноат бо тӯфаҳои  хотиравӣ  қадр  шуданд.