Такмили ихтисоси кадрҳои ҷавон дар Қазоқистон

Душанбе, 21.12.2015 (АМИТ «Ховар»). — Бо дастгирии Ҳукумати мамлакат ва Агентии хизмати давлатии назди Президенти Ҷумҳурии Тоҷикистон ва бо мақсади иҷрои Барномаи татбиқи «Консепсияи сиёсати давлатии кадрҳои Ҷумҳурии Тоҷикистон барои солҳои 2009-2016» 5 нафар  кадрҳои ҷавони хизматчии давлатӣ аз Дастгоҳи иҷроияи Президенти Ҷумҳурии Тоҷикистон, Агентии хизмати давлатии назди Президенти Ҷумҳурии Тоҷикистон ва Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон барои иштирок дар курси такмили ихтисос ба шаҳри Остонаи Ҷумҳурии Қазоқистон сафарбар шуданд. 
Кадрҳои ҷавони хизматчии давлатӣ дар курси такмили ихтисос дар мавзӯи «Принсипҳои фаьолияти иттилоотии мақомоти давлатӣ» дар Академияи идоракунии давлатии назди Президенти Ҷумҳурии Қазоқистон дар давоми панҷ рӯз фаро гирифта мешаванд. 
Интизор меравад, дар курси такмили ихтисос хизматчиёни давлатӣ оид ба фаьолияти иттилоотии мақомоти давлатӣ, принсипҳои он, фаьолияти самараноки сомонаҳои макомоти давлатӣ, истифодаи техника ва технологияи иттилоотӣ ва таҳияи варақаҳои матбуотии мақомоти давлатӣ таҷрибаи заруриро аз худ намоянд.