Ташкили 10 ярмаркаи ҷойҳои корӣ дар Восеъ

Восеъ, 30.12.2015. ( АМИТ«Ховар»).- Аз ҷониби шуъбаи Агентии меҳнат ва шуғли аҳолӣ дар ноҳияи Восеъ 10 ярмаркаи ҷойҳои корӣ ва вазифаҳои озод бо мақсади рушди бемайлони сатҳи шуғлнокии аҳолӣ, ташкили шароити муосир барои корхона ташкилоту муассисаҳо барои дарёфти корманди мувофиқ ва ба шаҳрвандони бекор дарёфти кори мувофиқ, ба ин васила муътадил гардонидани вазъи бозори меҳнат доир гардид. Ба иттилои сардори шуъба Маҳмадисо Қурбонов дар ин давра аз ҷониби ташкилоту маассисаҳои ноҳия 354 ҷойи кор пешниҳод шуда, 89 шаҳрванди бекор ба кори доимӣ, 54 нафар ба корҳои ҷамъиятӣ ва 300 нафар занону духтарон барои касомӯзӣ роҳхат гирифтанд.