Ваҳшонияти нави ДОИШ — қатли 38 кӯдаки навзод
Душанбе, 14.12.2015. (АМИТ «Ховар»). — Террористони ДОИШ 38 кӯдаки навзоди дорои аломати Дауна (синдром Дауна) — ро ба қатл расонданд. Ин амали даҳшатборро террористон пас аз баромадани фатвое, ки иҷозат додааст «кӯдакони навзоди дорои аломати Дауна ва дигар норасоиҳо»-ро ба қатл расонанд, содир карданд.
Бино ба маълумоте, ки дар сафҳаи «Mosul Eye» дар шабакаи иҷтимоии Фейсбук интишор шудааст, ин фатво аз ҷониби яке аз қозиёни арабитабори ДОИШ бароварда шудааст.
«Бино ба маълумоти мо, аксарияти кӯдакон аз занони ироқӣ, суриягӣ, осиёгӣ ва ҷангиёни ДОИШ ба дунё омадаанд. Аз ҷониби мо қатли 38 кӯдаки дорои аломати Дауна, ки аз 1 ҳафта то 3 моҳа буданд, ба қайд гирифта шуд. Онҳоро бо ёрии тазриқи марговар ва бӯғӣ кардан ба қатл расондаанд. Бархе аз ин кушторҳо дар Сурия ва Мосул содир шудаанд», гуфта мешавад дар иттилоия.
Бино ба иттилои муаллифони ин мавод, акнун террористон дар баробари куштани мардон, занон ва пирон, ба куштори кӯдакон низ сар кардаанд.
Сафири Тоҷикистон бо Вазири энергетика ва маъданҳои Салтанати Умон мулоқот намуд
Имрӯз дар шаҳри Душанбе ҳаво то 31 дараҷа гарм мешавад
«35 СОЛИ СОЗАНДАГӢ ВА РУШДИ МИЛЛӢ». Таҳти чунин унвон ҳамоиши илмӣ-амалӣ доир шуд
БАРОИ АЛОҚА, БАРОИ ОДАМОН, БАРОИ ҶУМҲУРӢ. МегаФон Тоҷикистон дар чоряк асри фаъолият чӣ корҳоро анҷом дод?
Тоҷикистон ва Иттиҳоди Аврупо ҳамкориро дар соҳаи саноати сабук густариш медиҳанд
ИМРӮЗ — РӮЗИ АВИАТСИЯИ ГРАЖДАНӢ. Аз Тоҷикистон ба зиёда аз 20 кишвари ҷаҳон парвозҳо ба роҳ монда шудааст
ГРАНТИ ПРЕЗИДЕНТӢ. Давоми солҳои соҳибистиқлолӣ ба 1395 нафар занон беш аз 45 миллион сомонӣ грант ҷудо гардид
35-СОЛАГИИ ИСТИҚЛОЛИЯТИ ДАВЛАТӢ. Дар ин давра Тоҷикистон ба дастовардҳои рушди устувор ноил гардид
